Mwana akimi ndako

• Ya solo penza mwana mwasi oyo akoti lisusu na lopango oyo ? Nzambe aza monene !

Mama Monzenze a'kobeta maboko ye moko. A'kokamwa ndenge Mandeni, aúti kosenga mungwa po ábakisa na biloko azali kolamba epayi na ye. Mandeni azalaká kala mingi te moninga makasi ya mwana na ye ya mwasi kombo Deti.

Mama Monzenze akamwe nini ? Ebele ya makambo ebombami na kamwa na ye. Oyo akozala na motema mpiyo akoyeba tina ya makambo. Oyo akozala motema moto moto akoki kozanga lisolo ekofungola ye mayele.

Mama Monzenze ayaki na libala eleki bambula soki zomi na mitano, soki tuku mibale. Akutaki Mama Venika na mokumba ya Mandeni ezali kobanda.